उमरखेड नगराध्यक्ष पदासाठी सर्वात प्रभावशाली मुस्लिम महिला चेहरा — शबाना शहादत खान
सत्यनिर्मिती महिला मंडळाच्या राष्ट्रीय अध्यक्षा
उमरखेड (प्रतिनिधी): उमरखेड शहराच्या नगराध्यक्ष पदासाठी सर्वात प्रभावशाली मुस्लिम महिला चेहरा म्हणून सत्यनिर्मिती महिला मंडळाच्या राष्ट्रीय अध्यक्षा शबाना शहादत खान यांचं नाव जोरदार चर्चेत आहे.
एक महिला असून, चूल आणि मूल यापुरतं जीवन मर्यादित न ठेवता समाजकारण, महिला सक्षमीकरण आणि सामाजिक न्यायाच्या क्षेत्रात त्यांनी केलेलं कार्य उल्लेखनीय आहे. आपल्या कर्तृत्वाच्या जोरावर आणि प्रखर जिद्दीच्या बळावर शबाना शहादत खान यांनी समाजाच्या प्रत्येक घटकासाठी, विशेषतः गोरगरीब आणि उपेक्षित महिलांसाठी लढा दिला आहे.
मुस्लिम समाजामध्ये सर्वात प्रभावशाली व कर्तृत्ववान महिला म्हणून त्यांचं नाव अग्रेसर आहे. त्यांच्या सामाजिक कार्यामुळे उमरखेड नगरीतच नव्हे तर परिसरातही त्यांच्याबद्दल आदर आणि कुतूहलाचं वातावरण आहे. महिलांसाठी न्याय, शिक्षण आणि सन्मान मिळवून देण्याच्या त्यांच्या धडपडीला अनेक सामाजिक संघटनांकडून दाद मिळत आहे.
भारतीय संस्कृतीत महिलांना परंपरेने ‘चूल आणि मूल’ एवढ्यापुरतेच बंधन घातले गेले असले, तरी डॉ. बाबासाहेब आंबेडकर यांनी संविधानाद्वारे महिलांना समान अधिकार दिले. या अधिकारांचा वापर करून समाजातील महिलांना उभं करण्याचं काम शबाना खान सातत्याने करतात. मुस्लिम समाजातील बुरख्याच्या मर्यादा ओलांडून समाजासाठी एक पाऊल पुढे जाण्याचं धाडस त्यांनी दाखवले आहे.
“जिच्या हाती पाळण्याची दोरी — तीच जगाची उधारी,” या उक्तीला खरं ठरवत शबाना शहादत खान या महिलांच्या प्रगतीसाठी आणि समाजपरिवर्तनासाठी सातत्याने प्रयत्नशील आहेत. जर नगराध्यक्षपदाची संधी त्यांना मिळाली, तर उमरखेड शहरातील महिलांच्या प्रश्नांना न्याय मिळवून देण्यासाठी त्या नक्कीच अग्रणी ठरतील, असा विश्वास नागरिक व विविध समाजघटकांमध्ये व्यक्त होत आहे.
